Author: admin

မွန်ပြည်သစ်ပါတီဥက္ကဋ္ဌ နိုင်ဟံသာအား မွန်အမျိုးသားတစ်ရပ်လုံး၏ အမြင့်ဆုံးဂုဏ်ထူးဆောင်ဆုတံဆိပ်ဖြစ်သည် “ဝီရဟံသာ” ဆုတံဆိပ်ချီးမြှင့်ခဲ့ကြောင်း သိရသည်။ “ရဲစွမ်းသတ္တိရှိခြင်း၊ ဇွဲလုံ့လဝီရိယ ပြည့်ဝခြင်းနှင့် အလေးအမြတ်ပြုအပ်သော ဟင်္သာ” အဓိပ္ပာယ်ရှိသည့် “ဝီရဟံသာ” ဆု တံဆိပ်အား နိုင်ငံတကာဆက်ဆံရေးမွန်အသင်းအဖွဲ့ကြီးမှ ဦးဆောင်ကမကထပြုလုပ်၍ မွန်ပြည်သစ်ပါတီ ဗဟိုဌာနချုပ်တည်ရှိရာ ရေးချောင်းဖျားဒေသ၌ ဖေဖော်ဝါရီ ၁၅ ရက်က အခမ်းအနားက ယင်းဆုတံဆိပ်အား ချီးမြှင့်ခဲ့ခြင်းဖြစ်သည်။ ထိုအခမ်းအနားသို့ မွန်သံဃာတော်များ၊ မွန်ပြည်သစ်ပါတီမှ တာဝန်ရှိသူများ၊ စီးပွားရေးလုပ်ငန်းရှင်များ၊ မွန်ပြည်သူများနှင့် မွန်ပြည်သစ်ပါတီတပ်ဖွဲ့ဝင်များ တက်ရောက်ခဲ့ကြကြောင်း သိရသည်။ နိုင်ဟံသာသည် ၁၉၆၈ ခုနှစ် အသက် ၂၀ အရွယ်မှစတင်၍ မွန်ပြည်သစ်ပါတီသို့ ဝင်ရောက်လာပြီး ၁၉၇၁ခုနှစ်တွင် အရန်ဗဟိုကော်မတီဝင်၊ ၁၉၇၂ခုနှစ်တွင် ဗဟိုကော်မတီဝင်၊ မြို့နယ်ဥက္ကဋ္ဌ/အတွင်းရေးမှူး၊ ၁၉၇၈ ခုနှစ်တွင် ခရိုင်အတွင်းရေးမှူး၊ ၁၉၈၂ ခုနှစ်တွင် အမျိုးသားဒီမိုကရေစီတပ်ပေါင်းစု NDF အထွေထွေ အတွင်းရေးမှူးအဖြစ် ငါးနှစ်ခန့် တာဝန်ထမ်းဆောင်ခဲ့ပြီး ၁၉၈၅ ခုနှစ်တွင် မွန်ပြည်သစ်ပါတီ (နိုင်နွန်လာအဖွဲ့) ဗဟိုအလုပ်အမှုဆောင်အဖွဲ့ဝင်၊ ၁၉၈၆ ခုနှစ်တွင် မွန်ပြည်သစ်ပါတီ (နိုင်နွန်လာအဖွဲ့) တွဲဖက်အတွင်းရေးမှူး၊ ၁၉၈၈ နှစ်ကုန်ခါနီး မြန်မာပြည်ဒီမိုကရက်တစ် မဟာမိတ်အဖွဲ့ချုပ် DAB ဖွဲ့စည်းသောအခါ တွဲဖက်အတွင်းရေးမှူး၊ မွန်ပြည်သစ်ပါတီ ပြန်လည်ပေါင်းစည်း၍ ၁၉၈၉ နှစ်ကုန်ပိုင်းတွင် ကျင်းပသော မွန်ပြည်သစ်ပါတီ ပထမအကြိမ်ဗဟိုညီလာခံ၌ တွဲဖက်အတွင်းရေးမှူးနှင့် ၁၉၉၃ ခုနှစ် တွင် DAB အထွေထွေအတွင်းရေးမှူးအဖြစ် တာဝန်ထမ်းခဲ့သူတစ်ဦးဖြစ်သည်။ ၁၉၉၅ ခုနှစ် ဇွန် ၂၉ ရက်တွင် နဝတနှင့် မွန်ပြည်သစ်ပါတီ အပစ်အခတ်ရပ်စဲမှု သဘောတူညီလိုက်သဖြင့်…

ထိုင်းဗီဇာ လျှောက်ထားရာတွင် လိုအပ်သည့် တိုကင်နံပါတ်များကို သုံးရက်စာအတွက် ထိုင်းသံရုံးက ထုတ်ပေးနေကြောင်း ရန်ကုန်မြို့ရှိ ထိုင်းသံရုံးက သတင်းထုတ်ပြန်သည်။ ဖေဖော်ဝါရီ ၁၆ ရက် နေ့လယ် ၁ နာရီခွဲမှစတင်ပြီး ဖေဖော်ဝါရီ ၁၉ ရက်၊ ၂၀ ရက်နှင့် ၂၁ ရက်များအတွက် ကြိုတင်ထုတ်ပေးနေခြင်းဖြစ်သည်ဟု ထိုင်းသံရုံးက သတင်းထုတ်ပြန်သည်။ ထိုင်းဗီဇာလျှောက်ထားရာတွင် တိုကင်နံပါတ်ရရှိရန် နံနက်အစောပိုင်းကတည်းက လာရောက်တန်းစီသူ များပြားလျက်ရှိနေပြီး နောက်ပိုင်းတွင် တိုကင်နံပါတ်များကို ကြိုတင်ထုတ်ပေးသည့်စနစ်ကို ပြောင်းလဲလိုက် ခြင်းလည်းဖြစ်သည်။ ဗီဇာလျှောက်ရန် တိုကင်နံပါတ်ကို ထိုင်းသံရုံးက တစ်ရက်လျှင် လူ ၄၀၀ ဝေငှမည်ဟု ‌ကြေညာထားသဖြင့် နံနက်ပိုင်းကတည်းက တန်းစီစောင့်ဆိုင်းနေရခြင်းဖြစ်သည်ဟု တန်းစီနေသူအချို့က ‌ပြောကြားသည်။ ဗီဇာ လာရောက်လျှောက်ထားသူများပြားသဖြင့် တစ်နေ့လျှင် ဗီဇာလျှောက်ထားသူ ၄၀၀ သာ လက်ခံမည်ဟု မြန်မာနိုင်ငံရှိ ထိုင်းသံရုံးက ထုတ်ပြန်ထားသည်။ ယင်းသို့သတ်မှတ်ချက်ကို ဖေဖော်ဝါရီ ၁၄ ရက်က စတင်သတ်မှတ်လိုက်ခြင်းဖြစ်သည်ဟု မြန်မာနိုင်ငံဆိုင်ရာ ထိုင်းသံရုံးက ထုတ်ပြန်ထားပြီး ဗီဇာလျှောက်ထားသူများ လိုက်နာရမည့် စည်းကမ်းချက်ငါးချက် သတ်မှတ်ထားသည်ကို တွေ့ရသည်။ ဗီဇာလျှောက်ထားသူများအနေဖြင့် တန်းစီရမည်ဖြစ်ပြီး တိုကင်နံပါတ်ကို ရုံးဖွင့်ချိန်မတိုင်မီ နံနက် ၈ နာရီခွဲတွင် ပေးဝေမည်ဖြစ်‌ကြောင်း၊ တာဝန်ရှိသူက ပတ်စ်ပို့ဖြင့် သေချာစစ်ဆေးမည်ဖြစ်ပြီး မှန်ကန်မှသာလျှင် ဗီဇာလျှောက်မည့်သူကိုယ်တိုင် တိုကင်နံပါတ် ထုတ်ယူရမည်ဖြစ်သဖြင့် အခြားသူများကို လွှဲပြောင်းနိုင်မည် မဟုတ်‌ကြောင်း၊ တိုကင်နံပါတ်တစ်ခုသည် တစ်ဦးအတွက်သာဖြစ်ကြောင်း၊ တိုကင်နံပါတ်ကို အလွဲသုံးစားပြုလုပ်ခြင်း၊ အတုအပပြုလုပ်ခြင်းများရှိပါက ဗီဇာလျှောက်ထားခွင့်ပိတ်ကာ အမည်မည်းစာရင်းသွင်းမည်ဖြစ်‌ကြောင်း ရန်ကုန်မြို့ရှိ ထိုင်းသံရုံးက သတင်းထုတ်ပြန်သည်။ ထို့ပြင်…

ပြည်ပထွက်ခွာခွင့်များကို ညွှန်ကြားချက် များ၊ ကန့်သတ်ချက်များ ထုတ်ပြန်စိစစ်တား ဆီးခြင်းမရှိဘဲ ယခင်အတိုင်း ဥပဒေနှင့်အညီ စနစ်တကျ ဝင်ထွက်ခွင့်ပြုနေကြောင်း လူဝင် မှုကြီးကြပ်ရေးနှင့် ပြည်သူ့အင်အားဝန်ကြီး ဌာနက ထုတ်ပြန်သည်။ ပြည်သူ့စစ်မှုထမ်းဥပဒေ စတင်အာဏာ တည်ကြောင်း သတ်မှတ်ခြင်းနှင့်ပတ်သက်၍ ပြည်သူများ၏ ပြည်ပထွက်ခွာခွင့်များအား လူဝင်မှုကြီးကြပ်ရေးဆိုင်ရာ ညွှန်ကြားချက် များ၊ ကန့်သတ်ချက်များ ထုတ်ပြန်စိစစ်တား ဆီးခြင်းမရှိဘဲ အပြည်ပြည်ဆိုင်ရာလေဆိပ် များဖြစ်သည့် ရန်ကုန်၊ မန္တလေး၊ နေပြည်တော် လေဆိပ်များအပါအဝင် အိမ်နီးချင်းနိုင်ငံများ နှင့် ထိစပ်လျက်ရှိသည့် နယ်စပ်ဝင်ထွက်ဂိတ် များမှ လူဝင်မှုကြီးကြပ်ရေးဆိုင်ရာ ဝင်ထွက် ခွင့်ပြုခြင်းများကို ယခင်အတိုင်း ဥပဒေနှင့်အ ညီ စနစ်တကျဝင်ထွက်ခွင့်ပြုဆောင်ရွက်ပေး လျက်ရှိကြောင်း၊ ပြည်ပထွက်ခွာခွင့်များနှင့် ပတ်သက်ပြီး မည်သည့်ညွှန်ကြားချက်မျှ သီး ခြားထုတ်ပြန် ဆောင်ရွက်ထားခြင်းမရှိကြောင်း အသိပေးကြေညာအပ်သည်ဟု လူဝင်မှုကြီး ကြပ်ရေးနှင့် ပြည်သူ့အင်အားဝန်ကြီးဌာနက ထုတ်ပြန်သည်။ ပြည်သူ့စစ်မှုထမ်းဥပဒေကို ဖေဖော်ဝါရီ ၁၀ ရက်တွင် စတင်အာဏာတည်ကြောင်း အမိန့်ကြေညာစာအား ထုတ်ပြန်ပြီးနောက် တွင် မီဒီယာအချို့နှင့် လူမှုကွန်ရက်စာမျက်နှာ အချို့တွင် ပြည်သူများ၏ ပြည်ပထွက်ခွာခွင့် များကို တားဆီးပိတ်ပင်နေသည်ဆိုသည့် ကောလာဟလ သတင်းအမှားများ ထွက်ပေါ် လာနေသည်ဟု ဝန်ကြီးဌာနက ထုတ်ပြန် သည်။ ၂၀၁၀ ပြည့်နှစ်တွင် ပြဋ္ဌာန်းခဲ့သော ပြည် သူ့စစ်မှုထမ်းဥပဒေသည် ၂၀၂၄ ခုနှစ် ဖေဖော် ၀ါရီ ၁၀ ရက်မှစ၍ အာဏာတည်ကြောင်း နစကက အမိန့်ထုတ်ပြန်ခဲ့သည်။ ပြည်သူ့စစ်မှုထမ်းဥပဒေ ပြဋ္ဌာန်းချက် တွင် စစ်မှုထမ်းရမည့်အသက်အရွယ်ကို အမျိုး သားဖြစ်လျှင် အသက်…

မန်စီးတီးနည်းပြ ဂွါဒီယိုလာက လီဗာပူးလ်နည်းပြ ယာဂန်ကလော့ပ်သည် လာမည့်နွေရာသီတွင် လီဗာပူးလ်အသင်းနှင့်လမ်းခွဲပြီး ခေတ္တခဏ အနားယူမည်ဖြစ်သော်လည်း နည်းပြလောကသို့ ပြန်လာလိမ့်မည်ဟု မျှော်လင့်ကြောင်း ပြောကြားခဲ့သည်။ လီဗာပူးလ်နည်းပြ ယာဂန်ကလော့ပ်သည် ယခုရာသီကုန်တွင် လီဗာပူးလ်အသင်းနှင့်လမ်းခွဲမည်ဟု ဇန်နဝါရီ (၂၆) ရက်တွင် အံ့အားသင့်ဖွယ်ကြေညာခဲ့ပြီး နည်းပြလောကသို့ ပြန်လည်ဝင်ရောက်ရန် မသေချာကြောင်းလည်း ပြောကြားထားသည်။ ထို့ကြောင့် ယာဂန်ကလော့ပ်အနေဖြင့် ဖိအားများသည့် နည်းပြလောကကို စွန့်ခွာသွားနိုင်သည့်အလားအလာရှိကြောင်း သုံးသပ်မှုများရှိနေသဖြင့် ဂွါဒီယိုလာက ယခုကဲ့သို့ ပြောကြားခဲ့ခြင်းဖြစ်သည်။ “သူ ပြန်လာမှာ သေချာပါတယ်။ ဘယ်အချိန် ပြန်လာမလဲဆိုတာ မသိပေမဲ့ ခဏအနားယူပြီး ပြန်လာမယ်လို့ ထင်ပါတယ်”ဟု ဂွါဒီယိုလာက ပြောကြားခဲ့သည်။

ပရီးမီးယားလိဂ်ထိပ်သီးကလပ် မန်ယူအသင်းသည် ပြောင်းရွှေ့ကြေးတန်ဖိုးအရ ၂၀၂၃ ခုနှစ်အတွင်း တန်ဖိုးအကြီးဆုံးလူစာရင်းကို ပိုင်ဆိုင်ခဲ့ကြောင်း ဥရောပဘောလုံးအဖွဲ့ချုပ်(UEFA) က ဖော်ပြခဲ့သည်။ UEFA ၏ အဆိုပါတွက်ချက်မှုတွင် ၂၀၂၃ နွေရာသီအပြောင်းအရွှေ့ကာလတွင် ခေါ်ယူခဲ့သည့် ကစားသမားများကို ထည့်သွင်းတွက်ချက်ခြင်း မရှိကြောင်းလည်း သိရသည်။ ထို့ကြောင့် ဟွိုင်လန်း၊ မေဆန်မောင့်၊ အိုနာနာတို့ ပါဝင်ခြင်းမရှိသော်လည်း မန်ယူအသင်း၏ လူစာရင်းတန်ဖိုးမှာ ပေါင်(၁.၂၁)ဘီလီယံရှိခဲ့ပြီး ဘောလုံးလောက၏ တန်ဖိုးအကြီးဆုံးအဖြစ် ရပ်တည်နိုင်ခဲ့ခြင်းဖြစ်သည်။ မန်ယူအသင်း၏နောက်တွင် မြို့ခံပြိုင်ဘက် မန်စီးတီးအသင်းက ပေါင်(၁.၁)ဘီလီယံဖြင့် ရပ်တည်နိုင်ခဲ့ပြီး တတိယနေရာတွင် ချယ်လ်ဆီးအသင်းက ပေါင် (၉၂၇)သန်းဖြင့် ရပ်တည်နိုင်ခဲ့သည်။ ထို့ကြောင့် ထိပ်ဆုံးနေရာကို ပရီးမီးယားလိဂ်ကလပ်များက ရယူနိုင်ခဲ့သလို ထိပ်ဆုံး(၁၀)သင်းစာရင်းတွင် ပရီးမီးယားလိဂ်ကလပ် (၆)သင်းအထိ ပါဝင်ခဲ့သည်။ လာလီဂါထိပ်သီး ရီးယဲလ်အသင်းက စတုတ္ထနေရာရရှိခဲ့သော်လည်း ဘာစီလိုနာအသင်းမှာ မူ အဆင့် (၁၁)နေရာသို့ ရောက်ရှိခဲ့ သည်။ ၂၀၂၃ နှစ်ကုန် ဘဏ္ဍာရေးရှင်းတမ်းအရ ပရီးမီးယားလိဂ်အသင်း (၂၀)၏ ဝင်ငွေစုစုပေါင်းမှာ ပေါင် (၅.၇)ဘီလီယံရှိခဲ့သည့်အတွက် လာလီဂါနှင့် ဘွန်ဒစ်လီဂါ နှစ်ခုပေါင်းဝင် ငွေထက်ပင် ပိုမိုများပြားကြောင်းလည်း UEFA က ဖော်ပြခဲ့သည်။ ဥရောပဘောလုံးလောက၏ ဝင်ငွေအကောင်းဆုံး ကလပ်အသင်း (၂၀)စာရင်းတွင် ပရီးမီးယားလိဂ်ကလပ် (၉) သင်းအထိ ပါဝင်ခဲ့ကြောင်းလည်း သိရသည်။

၀ါရင့်စပိန်တင်းနစ်သမား ရာဖေးလ်နဒါးလ်သည် ပြိုင်ပွဲပြန်လည်ယှဉ်ပြိုင်ရန် အဆင်သင့်မဖြစ်သေးသဖြင့် ကာတာအိုးပင်းပြိုင်ပွဲမှ နုတ် ထွက်ခဲ့ကြောင်း သိရသည်။ အသက် (၃၇) နှစ်ရှိပြီဖြစ်သည့် နဒါးလ်သည် ဇန်နဝါရီလအတွင်း Brisbane International ပြိုင်ပွဲ ယှဉ်ပြိုင်စဉ် တင်ပါးဒဏ်ရာရရှိခဲ့သောကြောင့် ပြန်လည်အနားယူနေရခြင်း ဖြစ်သည်။ နဒါးလ်သည် တင်ပါးဒဏ်ရာကြောင့် တစ်နှစ်နီးပါး အနားယူခဲ့ရပြီး ပထမဆုံးပြန်လည်ယှဉ်ပြိုင်သည့် ပြိုင်ပွဲမှာပင် ဒဏ်ရာထပ်မံရရှိခဲ့သည်။ ၎င်းအနေဖြင့် ဖေဖော်ဝါရီ (၁၉) ရက် စတင်မည့် ကာတာအိုးပင်းပြိုင်ပွဲတွင် ပြန်လည်ပါဝင်နိုင်ရန် မျှော်မှန်းထားသော်လည်း အဆင်သင့်မဖြစ်သေး ကြောင်း နဒါးလ်က X တွင် ပြောကြားခဲ့သည်။ “ဒိုဟာမှာ ကစားချင်ပါတယ်။ ဒါပေမဲ့ အဆင်သင့်မဖြစ်သေးပါဘူး။ လတ်စ်ဗေးဂတ်စ်မှာပြုလုုပ်မယ့် သရုပ်ပြပွဲနဲ့ အင်ဒီးယန်းဝဲလ်ပြိုင်ပွဲအ တွက် အဆင်သင့်ဖြစ်အောင်လုပ်ထား ဖို့ အာရုံစိုက်နေပါတယ်”ဟု ၎င်းက ဆိုခဲ့သည်။ နဒါးလ်သည် သရုပ်ပြပွဲအဖြစ် မတ် (၃) ရက်တွင် စပိန်လူငယ် အယ်လ်ကာရက်ဇ်နှင့်ကစားရန် စီစဉ်ထားသည်။

ဘိုင်ယန်မြူးနစ်အသင်းသည် ဘွန်ဒစ်လီဂါတွင် လေဗာကူဆင်၊ ချန်ပီယံလိဂ်တွင် လာဇီယိုအသင်းတို့ကို ဆက်တိုက်ရှုံးနိမ့်ခဲ့သောကြောင့် အနာဂတ်အတွက် စိုးရိမ်စရာဖြစ်လာပြီလားဟု မေးမြန်းမှုအပေါ် နည်းပြဖြစ်သူ သောမတ်စ်တူဟယ်လ်က ”ကျွန်တော့် အနာဂတ်အတွက် စိတ်ပူနေလားဆိုရင် မဖြစ်ပါဘူး။ ဒီပွဲမှာ ကျွန်တော်တို့ အစကတည်းက ကောင်းကောင်းကစားနိုင်ခဲ့ပြီး ပထမဆုံးမိနစ်ကတည်းက အခွင့်အရေးရခဲ့တယ်။ နောက်ပိုင်းမှာ ဟာရီကိန်း၊ ယာမယ်လ်မူဆီယာလာ တို့လည်း အခွင့်အရေးထပ်ရခဲ့တယ်။ ပထမပိုင်းမှာ ပွဲကို ကျွန်တော်တို့ထိန်းချုပ်နိုင်ခဲ့ပါတယ်။ ဒါပေမဲ့ ဒုတိယပိုင်းမှာတော့ ကျွန်တော်တို့ရဲ့ စွမ်းဆောင်ရည်က သိသိသာသာကျဆင်းသွားတယ်။ တစ်ဦးချင်းအမှားတွေပြုလုပ်ခဲ့ပြီး ပြိုင်ဘက်ကို ပိုပြီးအားကောင်းစေခဲ့သလို အာရုံစူးစိုက်မှုလည်း ပျက်သွားခဲ့တယ်။ ကျွန်တော်တို့ရဲ့ စည်းချက်ညီမှု ပျက်သွားခဲ့တာပါ။ အဲဒီအတွက် ကျွန်တော်တို့မှာ တာဝန်ရှိပါတယ်။ ပထမပိုင်းမှာ ကျွန်တော်တို့မရှုံးနိုင်ဘူးလို့ထင်ရပေမဲ့ ဒီနေ့ပွဲမှာ ကျွန်တော်တို့ ရှုံးနိမ့်ခဲ့ပါတယ်” ဟု ဖြေကြားခဲ့သည်။ တူဟယ်လ်အနေဖြင့် ဘိုင်ယန်မြူးနစ်အသင်းအတွက် ပြိုင်ပွဲစုံ ၄၃ ပွဲကိုင်တွယ်ပြီးနောက် ရှုံးပွဲ ၁၀ ပွဲရှိလာပြီး ၎င်းမတိုင်မီ ထုတ်ပယ်ခံခဲ့ရသည့် နာဂယ်လ်စမန်းလက်ထက်တွင်မူ ၈၄ ပွဲကိုင်တွယ်ပြီးနောက် ၁၀ ပွဲသာ ရှုံးနိမ့်ခဲ့သည်။

ဖမ်းဆီးထားသည့် အိန္ဒိယရေတပ်စစ်မှု ထမ်းဟောင်းရှစ်ဦးကို ကာတာဘက်က ပြန် လွှတ်ပေးလိုက်သည့် ကိစ္စတွင် ၎င်းပါဝင်ပတ်သက်နေသည်ဆိုသည့် သတင်းများ ထွက်လာသည့်အတွက် ရှရွတ်ခန်းက ၎င်းင်းနှင့်မသက်ဆိုင်ကြောင်း တုံ့ပြန်ပြောဆိုလိုက်သည်။ အိန္ဒိယရေတပ်အရာရှိဟောင်း ရှစ်ဦးသည် သူလျှိုလုပ်မှုစွဲချက်ဖြင့် ကာတာတွင် ဖမ်းဆီးသေဒဏ် ချခံထားရသူများဖြစ်ပြီး အိန္ဒိယအစိုးရ၏ စွမ်းဆောင်မှုကြောင့် မကြာသေးမီက ပြန်လွတ်လာသည်။သို့သော် ကာတာသို့ ရှရွတ်ခန်းရောက်နေချိန်နှင့် တိုက်တိုက်ဆိုင်ဆိုင် ၊ စစ်မှုထမ်းဟောင်းများ ပြန်လွတ်လာခြင်းမှာ ရှရွတ်ခန်းနှင့်တစ်နည်းနည်း ပတ်သက်နေသည်ဆိုသည့် သတင်းများလည်း ပျံ့လာသည်။ ထိုဖြစ်ရပ်နှင့်ပတ်သက်ပြီး ရှရွတ်ခန်း၏ မန်နေဂျာက ရှင်းလင်းချက် တစ်စောင်ထုတ်လိုက်ပြီး စာထဲတွင် ပျံ့နေသည့်သတင်းများ က အခြေအမြစ်မရှိကြောင်း ၊ ယခုကဲ့သို့ပြဿနာ ပြေလည်သွားခြင်းက အိန္ဒိယအစိုးရအရာရှိများ၏ စွမ်းဆောင်မှုကြောင့်သာဖြစ်ကြောင်း ၊ ရှရွတ်ခန်းပါဝင်နေခြင်းမှာ လုံးဝမ ဟုတ်ကြောင်း ၊ ရေတပ်အရာရှိများ အမိမြေသို့ ဘေးကင်းကင်းဖြင့် ပြန်ရောက်လာသည့်အတွက် ရှရွတ်ခန်းက အခြားအိန္ဒိယနိုင်ငံသားများနည်းတူ ဝမ်းမြောက်ကြောင်း ရှင်းလင်းထားသည်။ အငြိမ်းစားအိန္ဒိယရေတပ်အရာရှိ ရှစ်ဦး သည် ရေငုပ်သင်္ဘော စီမံကိန်းတစ်ခုနှင့်ပတ်သက်၍ သူလျှိုလုပ်နေသည်ဆိုသည့် စွဲချက်ဖြင့် ၂၀၂၂ ခုနှစ် ၊ အောက်တိုဘာကတည်းက ကာတာတွင် ဖမ်းဆီးခံခဲ့ရသည်။သို့သော် ၎င်းတို့ ရှစ်ဦးကိုချထားသည့် သေဒဏ်ကို မနှစ်က ဒီဇင်ဘာတွင် ကာတာအယူခံတရားရုံးက လျှော့ပေါ့ပေးလိုက်သည်။ ယခုနှစ် ဖေဖော်ဝါ ရီ ၁၂ ရက်တွင် ရှစ်ဦးထဲမှ ခုနစ်ဦး နိုင်ငံသို့ပြန် ရောက်လာပြီဟု အိန္ဒိယနိုင်ငံခြားရေးဝန်ကြီးဌာနက ထုတ်ပြန်သည်။ ၎င်းတို့ရှစ်ဦးသည် လေယာဉ်နှင့်အာကာသ၊ ကာကွယ်ရေးကဏ္ဍနှင့်ဆိုင်သည့် ပင်လယ်ကွေ့အခြေစိုက်ကုမ္ပဏီ Al Dahra မှဝန်ထမ်းများဖြစ်ပြီး အိန္ဒိယသတင်းစာ Times…

ယူကရိန်းကို စစ်ဆင်နွှဲလိုက်မှုအပေါ် ဝေဖန်ဆန့်ကျင်သူများအား ပိုင်ဆိုင်မှု သိမ်းပစ်နိုင်သည့် ဥပဒေကို ရုရှားသမ္မတဗလာဒီမာပူတင်က ဖေဖော်ဝါရီ ၁၄ ရက်တွင် လက်မှတ်ရေးထိုးလိုက်သည်။ ၂၀၂၂ ခုနှစ် ဖေဖော်ဝါရီတွင် ယူကရိန်းကိုစစ်ဆင်ရေးပြုလုပ်လိုက်ပြီးနောက် တင်းကျပ်သည့်ဥပဒေများ ပြဌာန်းကာ စစ်ဆင်ရေးကို လူသိရှင်ကြား ဆန့်ကျင်ပြောဆိုသူများအား ရုရှားအစိုးရက ပြင်းပြင်းထန်ထန် အပြစ်ပေးခဲ့သည်။ ယခုဥပ‌ဒေက ထိုဝေဖန်ရေးသမားများ၏ ငွေ‌ကြေး၊ ပစ္စည်းဥစ္စာနှင့် ပိုင်ဆိုင်မှုများကို အာဏာပိုင်များက သိမ်းယူခွင့်ရှိသည်။ တိုင်းပြည်မှထွက်ပြေးသွားသော်လည်း ပိုင်ဆိုင်မှုများကျန်ခဲ့သည့် ရုရှားပြည်ပြေးများကို ထိုဥပဒေဖြင့် ပစ်မှတ်ထားနိုင်ခြေရှိသည်။ ရုရှားလွှတ်တော်က ဥပ‌ဒေမူကြမ်းကို ထောက်ခံလိုက်ပြီး နှစ်ပတ်အကြာတွင် သမ္မတပူတင်က လက်မှတ်ထိုးပေးလိုက်ခြင်းဖြစ်သည်။ အမိမြေကို သစ္စာဖောက်သည့် သစ္စာဖောက်များအတွက် ရည်ရွယ်သည့်ဥပဒေဟု လွှတ်တော်ဥက္ကဌ Vyacheslav Volodin က ပြီးခဲ့သည့်လက ပြောသည်။ ယူကရိန်းစစ်ပွဲစတင်မှု နှစ်နှစ်ပြည့်မတိုင်မီနှင့် ရုရှားသမ္မတရွေးကောက်ပွဲမတိုင်မီ တစ်လအလိုတွင် ဥပဒေ အသက် ဝင်လာခြင်းဖြစ်သည်။

ဗဟိုဘဏ်က နိုင်ငံခြားငွေကြေးစျေးကွက်အတွင်း ဒေါ်လာ ၅ ဒသမ ၃၈ သန်း ထပ်မံရောင်းချပေးခဲ့ကြောင်း မြန်မာနိုင်ငံတော် ဗဟိုဘဏ်က ဖေဖော်ဝါရီ ၁၄ ရက်က ထုတ်ပြန်လိုက်သည်။ ဗဟိုဘဏ်က ဖေဖော်ဝါရီ ၈ ရက်တွင် နိုင်ငံခြားငွေကြေးစျေးကွက်၌ ဒေါ်လာရှစ်သန်း ထုတ်ရောင်းလိုက်ကြောင်း မြန်မာနိုင်ငံတော် ဗဟိုဘဏ်က ထုတ်ပြန်ခဲ့သည်။ နိုင်ငံခြားငွေကြေးစျေးကွက်တွင် ဒေါ်လာ ၁၁ သန်းနှင့် ထိုင်းဘတ်သန်း ၂၀၀ အထိ ဗဟိုဘဏ်က ထပ်မံထုတ်ရောင်းခဲ့ကြောင်း မြန်မာနိုင်ငံတော် ဗဟိုဘဏ်က ဖေဖော်ဝါရီ ၆ ရက်က ထုတ်ပြန်ခဲ့သည်။ မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေကြေးစျေးကွက်တွင် ပို့ကုန် သွင်းကုန်လုပ်ငန်းရှင်များအား Online Trading Platform မှတစ်ဆင့် ဒေါ်လာငါးသန်းနှင့် ထိုင်းဘတ် သန်း ၅၀ ရောင်းချပေးခဲ့ကြောင်း မြန်မာနိုင်ငံတော် ဗဟိုဘဏ်က ထုတ်ပြန်ခဲ့ သည်။ ဗဟိုဘဏ်က ဖေဖော်ဝါရီ ၁ ရက်တွင် နိုင်ငံခြားငွေကြေးစျေးကွက်အတွင်း ဒေါ်လာ ၁၃ သန်း ထပ်မံရောင်းချခဲ့ကြောင်း မြန်မာနိုင်ငံတော်ဗဟိုဘဏ်က ထုတ်ပြန်ခဲ့သည်။ ဗဟိုဘဏ်က ဇန်နဝါရီ ၂၉ ရက်၌ နိုင်ငံခြားငွေကြေးစျေးကွက်အတွင်း ဒေါ်လာ ၉ သန်း၊ ဇန်နဝါရီ ၂၅ ရက်က နိုင်ငံခြားငွေကြေး စျေးကွက်တွင် ဒေါ်လာကိုးသန်းနှင့် ထိုင်းဘတ်သန်း ၂၀၀၊ ဇန်နဝါရီ ၂၆ ရက်တွင် ဒေါ်လာ ငါးသန်းနှင့် ဘတ်သန်း ၅၀၊ ဇန်နဝါရီ ၁၉ ရက်က နိုင်ငံခြားငွေကြေးစျေးကွက်တွင် ထိုင်းဘတ် သန်း ၅၀၊ ဇန်နဝါရီ ၁၅ ရက်က…