Author: admin

မက်ဒေါနားသည် မေလတွင် ရီယိုဒီဂျနေးရိုး၏ Copacabana ကမ်းခြေတွင် ပြုလုပ်မည့်အခမဲ့ဖျော် ဖြေပွဲကြီးနှင့်အတူ ၎င်း၏ Celebration ဖျော်ဖြေပွဲခရီးစဉ်ကြီးကို အဆုံးသတ်သွားမည်ဟု ပွဲစီစဉ်သူများက ထုတ်ပြန်ကြေညာခဲ့သည်။ ယင်းဖျော်ဖြေပွဲသည် ၎င်း၏ အကြီးဆုံးဖျော်ဖြေပွဲကြီး တစ်ခုဖြစ်လိမ့်မည်ဟု မက်ဒေါနား၏ဝက်ဘ်ဆိုဒ်တွင် ဖော်ပြခဲ့ပြီး ယင်းဖျော်ဖြေပွဲသည် ၎င်းတေးဂီတ၏ နှစ်လေးဆယ်ကျော်ကြာ အောင်မြင်မှုအတွက် ပ ရိသတ်များကို ကျေးဇူးတင်ခြင်းဖြစ်သည်ဟု ဆိုသည်။ “Like A Virgin ”နှင့် “Material Girl ”ကဲ့သို့ အလွန်အောင်မြင်သော တေးသီချင်းများကို သီဆိုခဲ့သည့် အသက် ၆၅ နှစ်အရွယ် မက်ဒေါနားသည် ၂၀၁၂ ခုနှစ်က ဘရာဇီးတွင် နောက်ဆုံးဖျော်ဖြေခဲ့ခြင်း ဖြစ်သည်။ မေ ၄ ရက်တွင် ပြုလုပ်မည့် ကြီးမားသော ဖျော်ဖြေပွဲကြီးသည် ဒါဇင် နှင့်ချီသောနိုင်ငံများတွင် လှည့်လည် ဖျော်ဖြေသည့် ၎င်း၏ Celebration ဖျော်ဖြေပွဲ ခရီးစဉ်အောက်၌ တောင်အမေရိကတွင် ဖျော်ဖြေသည့်တစ် ခုတည်းသော ပွဲဖြစ်လာလိမ့်မည် ဖြစ်သည်။ ၂၀၀၆ ခုနှစ်က Rolling Stones အဖွဲ့၏ Copacabana ဖျော်ဖြေ ပွဲကြီးသို့ လူ ၁ ဒသမ ၂ သန်းမှ ၁ ဒသမ ၅ သန်းကြား လာရောက်အားပေးခဲ့သည်ဟု သိရသည်။ “Celebration”ကမ္ဘာလှည့် ဖျော်ဖြေပွဲခရီးစဉ်သည် လက်ရှိတွင် မြောက်အမေရိက၌ ဖျော်ဖြေပွဲပြု လုပ်လျက်ရှိပြီး ဧပြီလအတွင်း ဖျော်ဖြေပွဲသုံးခုကို မိုင်ယာမီတွင် ပြုလုပ်မည်ဖြစ်ကာ မက္ကဆီကိုစီးတီးတွင် ဖျော်ဖြေပွဲ ငါးပွဲပြုလုပ်မည်ဖြစ်ပြီး ရီယိုဖျော်ဖြေပွဲမတိုင်မီ လက်တင်အမေရိကတွင်သာ ဖျော်ဖြေပွဲပြုလုပ်…

ထိုင်ဝမ်ကျွန်း အနီးတစ်ဝိုက်တွင် တရုတ် ရေတပ်နှင့် လေတပ်က မစ်ရှင်များ တိုးမြှင့်လုပ် ဆောင်လျက်ရှိရာ ယင်းသို့ခြိမ်းခြောက်မှုများ မြင့်တက်လာခြင်းကို တန်ပြန်ကာကွယ်သည့် အနေဖြင့် ထိုင်ဝမ်က ရေတပ်သင်္ဘောသစ် နှစ်စင်းကို တပ်တော်ဝင်ခဲ့သည်။ ရေဒါရှောင်ကွင်းနိုင်သည့် ပြည်တွင်း ထုတ် စစ်သင်္ဘောခြောက်စင်းအနက် ပထမ အသုတ်ဖြစ်သည့် ‘ထော်ကျန်’ အတန်းစား ကော်ဗက်စစ်ရေယာဉ် နှစ်စင်းကို အပြီးသတ် လွှဲပြောင်းရရှိခဲ့ခြင်းဖြစ်သည်။ ယင်းသင်္ဘောများသည် အရွယ်အစား အတော်အတန်သေးငယ်ပြီး ရေတပ်အမှုထမ်း နှင့် အရာရှိ ၄၁ ဦးကို တင်ဆောင်နိုင်ကာ ပေါ့ပါးမြန်ဆန်ပြီး လှုပ်ရှားစစ်ဆင်နိုင်စွမ်းမြင့် မားသကဲ့သို့ အရွယ်အစားပိုကြီးသော တရုတ် စစ်သင်္ဘောများနှင့် ဒုံးလက်နက်နည်းပညာ ကို တန်ပြန်ရန် ရည်ရွယ်လျက် ဒုံးကျည်အမျိုး မျိုးနှင့် သင်္ဘောကုန်းပတ်ပေါ်$ တပ်ဆင် ထားသည့် အမြောက်များပါဝင်သည်။ မတ်လ ၂၆ ရက်က ထိုင်ဝမ်အရှေ့ မြောက်ပိုင်း ရိလန်ဒေသရှိ ဆူအော် ဆိပ်ကမ်း $ အဆိုပါစစ်သင်္ဘောများအား တပ်တော်ဝင် သည့် အခမ်းအနားကို သမ္မတဆိုင်အင်းဝမ်က ကြီးကြပ်ခဲ့ပြီး အဓိကမဟာမိတ် အမေရိကန် ထံမှ စစ်လက်နက်များ ဝယ်ယူခြင်းနှင့် အ ထောက်အပံ့များ ရရှိခြင်းနှင့်အတူ ထိုင်ဝမ်၏ စစ်လက်နက်ထုတ်လုပ်သည့် လုပ်ငန်းများကို အားသစ်လောင်းရန် အရှိန်မြှင့်လုပ်ဆောင် နေပုံကို ဆိုင်က အလေးအနက်ပြောကြားခဲ့ သည်။ ထို့အတူ ဆိုင်သည် အမောင်းသင်ဂျက် လေယာဉ်များနှင့် ပထမဆုံးပြည်တွင်းထုတ် ရေငုပ်သင်္ဘောများ တည်ဆောက်ရေးအ တွက် အရှိန်မြှင့်လုပ်ဆောင်ခဲ့ပြီး တစ်ခါတစ် ရံတွင် အတိုက်အခံ အမျိုးသားရေးပါတီ (ကူမင်တန်)မှ လွှတ်တော်အမတ်များ…

ကုန်သင်္ဘောကြီး ဝင်တိုက်သဖြင့် ဘာတီမိုးမြို့ရှိ မြစ်ကူးတံတားပြိုကျခဲ့ပြီးနောက် ဘာတီမိုးဆိပ်ကမ်း၏ အေးစက်နေသော ရေပြင်တွင် ဆောက်လုပ်ရေး လုပ်သားနှစ်ဦး၏ အလောင်းများကို မတ် ၂၇ ရက်တွင် ပြန်တွေ့ ခဲ့သည်။ အလောင်းနှစ်လောင်းကို အနီရောင် ပစ်ကပ်ကားထဲတွင် တွေ့ခဲ့ရခြင်းဖြစ်သည်။ ယင်းသို့ ဆောက်လုပ်ရေးလုပ်သားနှစ်ဦး၏ အလောင်းကို တွေ့ရှိသည့် သတင်းကိုမေရီ လန်းရဲတပ်ဖွဲ့ကသတင်းစာရှင်းလင်းပွဲတွင် ပြောကြားခဲ့ခြင်းဖြစ်ပြီး ဖရန်ဆစ်စကော့ကီး မြစ်ကူးတံတား၏ ကွန်ကရစ်နှင့် တွန့်လိမ်နေ သော သံပေါင်များကြားတွင် ကားများ ညှပ် နေသည်ကို ဆိုနာများမှတစ်ဆင့်သိရသည် ဟု ယုံကြည်ကြောင်း ရဲတပ်ဖွဲ့က ပြောကြား ခဲ့သည်။ ဆောက်လုပ်ရေးလုပ်သား ရှစ်ဦးထဲ က ခြောက်ဦးသည် သေဆုံးသွားပြီဟု ယုံ ကြည်ရပြီး လေးဦး၏အလောင်းများကို မ တွေ့ရသေးဟု ဆိုသည်။ ရေငုပ်သမားများ သည် အပျက်အစီးများထဲ ထိုးဖောက်ဝင် ရောက်ရန်ကြိုးစားရာတွင် ဘေးကင်းမှုမရှိ သေးဟု ရဲတပ်ဖွဲ့က သတိပေးထားသည်။ အ ပျက်အစီများကို ရှင်းလင်းဆယ်ယူခြင်းများ လုပ်ဆောင်ပြီးမှသာ ကျန်နေသောအလောင်း များကို ရှာရန် ရေငုပ်သမားများကို စေလွှတ် မည်ဟု ဆိုသည်။ ဆိုနာ စကင်များကိုအခြေ ခံ၍ ပြောရမည်ဆိုပါက ပြိုကျသွားသော တံ တား၏သံပေါင်များကြားတွင် ကားများညှပ် နေသည်ဟု ယုံကြည်ကြောင်းရဲတပ်ဖွဲ့က ပြောသည်။

ဂါဇာကမ်းခြေအလွန်တွင် လေယာဉ်ပျံက ချပေးသော စားနပ်ရိက္ခာအကူအညီများထံ ရောက်ရှိရန် ကြိုးစားသည့် လူများထဲ က လူ ၁၂ ဦးသည် ရေနစ်သေဆုံးသွားသည်ဟု မတ် ၂၆ ရက်တွင် ပါလက်စတိုင်း ကျန်း မာရေးအာဏာပိုင်များက ပြောကြားခဲ့သည်။ လူအုပ်ကြီးက ဂါဇာမြောက်ပိုင်းရှိ ကမ်းခြေဆီ ပြေးသွားသည်ကို ရိုက်တာသတင်းဌာနက ရရှိခဲ့သည့် ဗီဒီယိုတွင်တွေ့ရသည်။ လေယာဉ်များပေါ်မှ လေထီးများဖြင့် ပစ်ချပေးလိုက်သော စားနပ်ရိက္ခာသေတ္တာများသည် ရေထဲတွင် မျောနေသည်ကို ဗီဒီယိုတွင်တွေ့ရသည်။ ထို့နောက် လူများက ရေနက်ထဲဆင်းကာ သွားရောက်ယူငင်ကြစဉ် ရေနစ်သေဆုံးခဲ့ခြင်းဖြစ်သည်။ အလောင်းများကို သဲများ ပေါ်ဆွဲတင်ထားသည်ကို တွေ့ရသည်။ စားနပ်ရိက္ခာအထုပ်များကို ရရှိရန်ကြိုးစားစဉ် လူ ၁၈ ဦးသေဆုံးသွားခဲ့ပြီးနောက် ယင်းစားနပ်ရိက္ခာများကို လေယာဉ်များပေါ် မှ ချပေးခြင်းမပြုရန် ဟားမာ့စ်က မေတ္တာရပ်ခံထားလင့်ကစား အမေရိကန်ကမူ ဂါဇာကို စား နပ်ရိက္ခာအကူအညီများအား လေယာဉ်များပေါ်မှ ဆက်လက်ချပေးသွားမည်ဟု ပြောကြားခဲ့သည်။ လူများပြည့်ကျပ်နေသော ဂါဇာကမ်းမြောင်တွင် စားနပ်ရိက္ခာအကူအညီများ ပေးပို့စဉ်အတွင်း လူသေဆုံးမှုများ ဆက်တိုက် ဖြစ်ပွားသည့် ဖြစ်ရပ်များထဲတွင် ယခုဖြစ်ရပ်သည် နောက်ဆုံးဖြစ်ရပ်တစ်ခုဖြစ်ကြောင်း သိရသည်။ မတ် ၂၅ ရက်တွင် လေယာဉ်ပေါ်မှ ချပေးသော စားနပ်ရိက္ခာထုပ်များမှ ရရှိသော စာရွက်အပိုင်းလေးတွင် အမေရိကန်အလံပေါ်၌ အာရဗီဘာသာဖြင့် ရေးထားသော စာကိုမြင်ရပြီး အမေရိကန်ပြည်ထောင်စုက ပေးပို့သော အကူအညီဖြစ်သည်ဟု ရေးထားကြောင်း တွေ့ရသည်။ အစ္စရေးက လေကြောင်းထိုးစစ်နှင့် မြေ ပြင်ထိုးစစ်တို့ကို ဆက်လက်လုပ်ဆောင်နေခြင်းကြောင့် လိုအပ်သည့်ရိက္ခာ ငါးပုံတစ်ပုံခန့်သာ ဂါဇာကို ဝင်ရောက်နေသည်ဟု အန်ဂျီအိုအဖွဲ့များက ပြောကြားခဲ့သည်။ ဟားမာ့စ်…

ပုဂ္ဂလိကကျောင်းများ မှတ်ပုံတင်လျှောက်လွှာ မတ် ၈ ရက် နောက်ဆုံးထားတင်သွင်းရမည်ဖြစ်သော်လည်း ကျောင်းကြီးအချို့သည်ပင် တင်သွင်းခြင်းမရှိသေးသည့်အတွက် တင်သွင်းကြရန်နှင့် လျှောက်လွှာမတင်သွင်းသော ကျောင်းများကို မေ ၁၂ ရက်နောက်ပိုင်းတွင် ပိတ်သိမ်းမည်ဖြစ်ကြောင်း ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်က ပြောကြားသည်။ မတ် ၂၈ ရက်က ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်သည် ရန်ကုန်တိုင်းဒေသကြီး လူမှုရေးရာဝန်ကြီး ဦးဌေးအောင်၊ ပညာရေးဝန်ကြီးဌာနမှ တာဝန်ရှိသူများနှင့်အတူ ရန်ကုန်မြို့ လှိုင်မြို့နယ် MICT Park ရှိ STI Myanmar University သို့ ရောက်ရှိကာ စာသင်ခန်းများ၊ Theatre ခန်းမ၊ Geotechnical Lab ခန်း၊ Hydraulic Lab ခန်းနှင့် စာကြည့်တိုက်ကိုကြည့်ရှု၍ ကျောင်းသားကျောင်းသူများ မြန်မာစာဖတ်ရှုနားလည်မှု စွမ်းရည်ကို စမ်းသပ်စစ်ဆေးစဉ် ထိုသို့ပြောကြားခဲ့ခြင်းဖြစ်သည်။ ဒုတိယဝန်ကြီးက STI Myanmar University မှ တာဝန်ရှိသူများနှင့်တွေ့ဆုံပြီး ပုဂ္ဂလိကကျောင်း မှတ်ပုံတင်လျှောက်လွှာများကို ၂၀၂၄ ခုနှစ် မတ် ၈ ရက် နောက်ဆုံးထားတင်သွင်းရန် ပညာရေးဝန်ကြီးဌာန ပုဂ္ဂလိကကျောင်းများ ကြီးကြပ်ရေးအဖွဲ့က ညွှန်ကြားစာထုတ်ပြန်ခဲ့ပါကြောင်း၊ သို့ရာတွင် ကျောင်းကြီးအချို့သည်ပင် လျှောက်လွှာတင်သွင်းခြင်းမရှိသေးသည်ကို စိစစ်တွေ့ရှိရပါကြောင်း၊ သို့ဖြစ်၍ ကျောင်းမှတ်ပုံတင်လျှောက်လွှာကို သတ်မှတ်ရက်အမီ တင်သွင်းလျှောက်ထားကြရန်နှင့် လျှောက်လွှာမတင်သွင်းသော ကျောင်းများကို ဥပဒေအာဏာတည်သည့်နေ့မှစ၍ တစ်နှစ်ပြည့်မြောက်သော ၂၀၂၄ ခုနှစ် မေ ၁၂ ရက် နောက်ပိုင်းတွင် ပိတ်သိမ်းမည်ဖြစ်သည်ကို အသိပေးပြောကြား ပေးကြစေလိုပါကြောင်း၊ အသစ်ဖွင့်လှစ်မည့် ပုဂ္ဂလိက‌ကျောင်းများသည်လည်း အမြန်ဆုံးလျှောက်ထားကြရမည်ဖြစ်ပါကြောင်း၊ ဥပဒေတွင်မည်သူမျှ ကိုယ်ပိုင်သို့မဟုတ် ပုဂ္ဂလိကကျောင်း…

၁၁ လတာကာလအတွင်း ပြည်ပနိုင်ငံများသို့ အလုပ်သွားရောက်လုပ်ကိုင်သူ မြန်မာ နိုင်ငံသားတစ်သိန်းခြောက်သောင်းကျော်ရှိကြောင်း အလုပ်သမားဝန်ကြီးဌာနကထုတ် ပြန်ထားသည့်အချက်အလက်များအရ သိရသည်။ ယခင်နှစ် ဧပြီလမှ ယခုနှစ်ဖေဖော်ဝါရီလကုန်အထိ တရားဝင်လိုင်စင်ရပြည်ပအလုပ်အကိုင်အေဂျင်စီ ၄၄၀ မှ ပြည်ပနိုင်ငံများသို့ အလုပ်သမား ၁၆၇၉၂၆ ဦး ပို့ဆောင်ခဲ့ခြင်းဖြစ်သည်ဟု အလုပ်သမားဝန်ကြီးဌာန၏ အချက် အလက်များအရ သိရသည်။ အလုပ်သမားများ သွားရောက်ခဲ့သည့် နိုင်ငံများမှာ ဂျပန်၊ မလေးရှား၊ စင်ကာပူ၊ ထိုင်း၊ ကူဝိတ်၊ ကာတာ၊ ယူအေအီး၊ ကိုရီးယား၊ တူရ ကီ အစရှိသည့်နိုင်ငံများသို့ စေလွှတ်ခဲ့ခြင်းဖြစ်ကြောင်း သိရသည်။ အလုပ်သမားဝန်ကြီးဌာန၏ ထုတ်ပြန်ထားသည့်အချက်အလက်များအရ ယခင်နှစ်ရှစ်လတာကာလအတွင်း တစ်လလျှင် ပျမ်းမျှတစ်သောင်းခွဲခန့်သာရှိခဲ့သော်လည်း ယခုနှစ် ဇန်နဝါရီနှင့် ဖေဖော်ဝါရီလများတွင် တစ် သောင်းကိုးထောင်ခန့် သွားရောက်လုပ်ကိုင်လျက်ရှိသည်ကို တွေ့ရသည်။ “ အခုကတော့ လေဆိပ်မှာ နေ့တိုင်းနီးပါးလောက် လူကပြည့်နေတာပဲ။ အလုပ်သွားလုပ်မယ့်သူတွေကို လိုက်ပို့တဲ့သူတွေရောမနည်းဘူး။ လေဆိပ်ထဲမှာ။ အကုန်လုံးက အလုပ်သွားလုပ်ကြတာချည်းပဲ”ဟု မတ် ၂၈ ရက်ညနေပိုင်းက ရန်ကုန်အပြည်ပြည်ဆိုင်ရာ လေဆိပ်သို့ရောက်ရှိခဲ့သူတစ်ဦးက ပြောကြားသည်။ အလုပ်သမားဝန်ကြီးဌာန၏ တရားဝင်လိုင်စင်ဖြင့် လုပ်ကိုင်လျက်ရှိသည့် အေဂျင်စီ ၅၀၀ ကျော်ရှိသည်။ မြန်မာလုပ်သားအများစုမှာ ထိုင်းနိုင်ငံသို့ သွားရောက်လုပ်ကိုင်လျက်ရှိပြီး အလုပ်သမားဝန်ကြီးဌာန၏ ထုတ်ပြန်ထားသည့်အချက်အလက်များအရ တစ်လလျှင် တစ်သောင်းခန့်သွားရောက်လုပ်ကိုင်လျက်ရှိသည်ကို တွေ့ရသည်။ ထို့ပြင် ထိုင်းနိုင်ငံသို့ တရားမဝင်သွားရောက်လုပ်ကိုင်သဖြင့် မြန်မာလုပ်သားများမှာလည်း နေ့စဉ်နီးပါး ဖမ်းဆီးခံနေရပြီး ထိုင်းအာဏာပိုင်များဘက်ကလည်း နယ်စပ်အဝင်အထွက်များကို သတိထားစောင့်ကြည့်လျက်ရှိကြောင်း သိရသည်။ ထို့ပြင် ယခင်က လာအိုနိုင်ငံသို့ မြန်မာလုပ်သားများ သွားရောက်လုပ်ကိုင်မှုမရှိသလောက် နည်းပါးခဲ့သော်လည်း ယခုနှစ်ပိုင်းတွင် တရားဝင်သွားရောက်လုပ်ကိုင်မှုများလည်းရှိလာကြောင်း…

အိန္ဒိယသည် မြန်မာနှင့်ထိစပ်နေသည့် ထိုးဖောက်စိပ့်ဝင်နိုင်သော ၎င်း၏ ကီလိုမီတာ ၁၆၁၀ (မိုင် ၁၀၀၀)ရှည်လျားသော နယ်နိမိတ်ကို ခြံစည်းရိုးခတ်ရန် ဆယ်နှစ်ခန့်တွင် အမေရိကန်ဒေါ်လာ ၃ ဒသမ ၇ ဘီလျံသုံးစွဲရန်စီစဉ်ထားသည်ဟု နီးစပ်ရာသတင်းအရင်းအမြစ်ကပြောကြားခဲ့ပြီး ယင်းသို့ခြံစည်းရိုးခတ်ရန်စီစဉ်ခြင်းမှာ မှောင်ခိုနှင့် အခြားသော တရားမဝင် လုပ်ရပ်များကို တားဆီးရန်ဖြစ်သည်ဟု ဆိုသည်။ နယ်စပ်ကို ခြံစည်းရိုးခတ်မည်ဟု ယခုနှစ် အ‌စောပိုင်းတွင် အိန္ဒိယအစိုးရက ပြောကြာခဲ့ပြီး အမျိုးသားလုံခြုံရေး အကြောင်းပြချက်များအတွက်နယ်စပ်တွင် နေထိုင်သူများအတွက်မြန်မာနိုင်ငံနှင့်ဆယ်စုနှစ်ချီ ဗီဇာကင်းလွတ်ခွင့် မူဝါဒကို အဆုံးသတ်မည်ဖြစ်ကာ အိန္ဒိယအရှေ့မြောက်ပိုင်းဒေသ၏ ဒီမိုကရေစီစနစ်ကို ထိန်းသိမ်းမည်ဟု ပြောကြားခဲ့သည်။ အစိုးရ ကော်မတီကခြံစည်းရိုးခတ်ရန် ကုန်ကျစရိတ်ကို ယခုလ ‌စောစောပိုင်းတွင် အတည်ပြုခဲ့ပြီးဖြစ်ရာ ဝန်ကြီးချုပ်နရန်ဒရာမိုဒီ၏ အစိုးရအဖွဲ့က အတည်ပြုရန်လိုအပ်သည်ဟု မီဒီယာနှင့် စကားပြောခွင့်မရှိသော အမည်မဖော်လိုသူ တစ်ဦးက ပြောကြားသည်။ ယင်းကိစ္စကိုဖြေကြားပေးရန် အီးမေးလ်ပို့၍မေးမြန်းမှုကို ဝန်ကြီးချုပ်ရုံး၊ ပြည်ထဲရေးဝန်ကြီးဌာန၊ ဘဏ္ဍာရေးဝန်ကြီးဌာန၊ နိုင်ငံခြားရေးဝန်ကြီးဌာန၊ သတင်းနှင့် ရုပ်သံလွှင့်ဝန်ကြီးဌာနတို့က ချက်ချင်းဖြေကြားခြင်းမရှိပေ။ မြန်မာဘက်ကလည်း အိန္ဒိယ၏ခြံစည်းရိုးစီမံကိန်းအကြောင်းကို ပြောကြားခြင်းမရှိပေ။ ၂၀၂၁ ခုနှစ်တွင် မြန်မာနိုင်ငံ၌ တပ်မတော်က နိုင်ငံတော် အာဏာကို လွှဲပြောင်းယူခဲ့ပြီးနောက်ပိုင်း မြန်မာစစ်သား ရာဂဏန်းသည် အိန္ဒိယ ပြည်နယ်များကို ထွက်ပြေးခဲ့သည်။ နယ်စပ်နှစ်ဘက်တွင်နေထိုင်ကြသူများသည် လူမျိုးရေးနှင့် မိသားစုဆိုင်ရာ ဆက်နွှယ်မှုများရှိကြသောကြောင့် လူမျိုးရေးဆိုင်ရာတင်းမာမှုများ အိန္ဒိယသို့ကူးစက်လာမည်ကို အိန္ဒိယအစိုးရက စိုးရိမ်ခဲ့သည်။

မေဂျာလိဂ်ကလပ် အင်တာမိုင်ယာမီနှင့် အာဂျင်တီးနား လက်ရွေးစင်အသင်းခေါင်းဆောင် မက်ဆီက မိမိကိုယ်တိုင် မစွမ်းဆောင်နိုင်သည့်အချိန်၊ ပျော်ရွှင်မှုမရှိတော့သည့်အချိန်နှင့် အသင်းဖော်များအတွက် ကူညီမပေးနိုင်ပါက အသက်အရွယ်ကိုမစဉ်းစားဘဲ အနားယူဖြစ်မည်ဟု ထုတ်ဖော်ပြောကြားခဲ့သည်။ မက်ဆီသည် လာမည့်ဇွန်လအတွင်း အသက် (၃၇) နှစ်ပြည့်မြောက်မည်ဖြစ်ပြီး ၎င်းနှင့် အင်တာမိုင်ယာမီအသင်း၏စာချုပ်မှာ ၂၀၂၅ ခုနှစ် ဒီဇင်ဘာအထိ ကျန်ရှိနေသေးသည်။ MBC ၏ Big Time Podcast အစီအစဉ်တွင် အနားယူမည့်ကာလအကြောင်း မေးမြန်းစဉ် မက်ဆီက ယခုလို ဖြေကြားခဲ့ခြင်းဖြစ်သည်။ “ကျွန်တော်က ကိုယ် မစွမ်းဆောင်နိုင်တော့ဘူး၊ ကိုယ်တိုင် ပျော်ရွှင်မှုမရှိတော့ဘူး၊ အသင်းဖော်တွေကို မကူညီပေးနိုင်တော့ဘူးဆိုတဲ့ အခိုက်အတန့်တွေကို သိပါတယ်။ ကျွန်တော်က ကိုယ့်ဘာသာ အရမ်းကိုဝေဖန်ဆန်းစစ်တဲ့သူပါ။ ကျွန်တော်က ကိုယ်ကောင်းတဲ့အချိန်၊ ဆိုးတဲ့အချိန်၊ ကောင်းကောင်းကစားနိုင်တဲ့အချိန်၊ ဆိုးဆိုးရွားရွား ကစားတဲ့အချိန်တွေကို သိပါတယ်။ အဲဒီခြေလှမ်းကိုလှမ်းဖို့ အချိန်တန်ပြီလို့ ခံစားရတဲ့အခါ အသက်အရွယ်ကို မစဉ်းစားဘဲ အနားယူဖြစ်မှာပါ။ ခံစားချက်ကောင်းတယ်ဆိုရင်တော့ ဆက်ပြီးယှဉ်ပြိုင်နိုင်ဖို့ အမြဲတမ်းကြိုးစားသွားမှာပါ။ ဘာဖြစ်လို့လဲဆိုတော့ ဘောလုံးက ကျွန်တော် နှစ်သက်တဲ့အရာဖြစ်ပြီး ဘယ်လိုလုပ်ရမလဲဆိုတာ ကျွန်တော် သိပါတယ်”ဟု မက်ဆီက ဆိုခဲ့သည်။ ထို့ပြင် ၎င်းင်းက “ကာတာပြိုင်ပွဲ (၂၀၂၂ ကမ္ဘာ့ဖလား) မှာ အဲဒီလိုမျိုး မလုပ်နိုင်ခဲ့ဘူးဆိုရင် လက်ရွေးစင်အသင်းကနေ ကျွန်တော် ထွက်သွားဖြစ်မှာပါ။ ကျွန်တော့်အနေနဲ့ ကစားသမားဘဝမှာ အရာအားလုံးရယူနိုင်ခဲ့တာ၊ ကိုယ့်အိပ်မက်ကို အကောင်အထည်ဖော်နိုင်ခဲ့တာ ကံကောင်းပါတယ်။ ပရော်ဖက်ရှင်နယ်တစ်ယောက်အပြင် လူသားတစ်ဦးအနေနဲ့ ကျွန်တော့်မိသားစုတွေ၊ မိတ်ဆွေသူငယ်ချင်းတွေဆီက ဒီထက်ပိုပြီး တောင်းဆိုစရာမရှိတော့ဘူး ဆိုတာ အမှန်ပါပဲ။ ဘုရားသခင်က ကျွန်တော့်ကို ပေးထားတဲ့…

၂၀၂၃ အမျိုးသမီးကမ္ဘာ့ဖလား ဗိုလ်လုပွဲအပြီးတွင် စပိန်အမျိုးသမီးအသင်း တိုက်စစ်ကစားသမား ဟာမိုဆို၏နှုတ်ခမ်းကို နမ်းခဲ့သည့်ကိစ္စအတွက် စပိန်ဘောလုံးအဖွဲ့ချုပ်(RFEF) ဥက္ကဋ္ဌဟောင်း ရူဘီယာလက်စ်ကို လိင်ပိုင်းဆိုင်ရာစော်ကားမှု၊ အကျပ်ကိုင်မှုတို့ဖြင့် ထောင်ဒဏ် (၂)နှစ်ခွဲ ချမှတ်ရန် အစိုးရရှေ့နေက တောင်းဆိုခဲ့ကြောင်း သိရသည်။ RFEF ဥက္ကဋ္ဌဟောင်း ရူဘီယာလက်စ်သည် ၂၀၂၃ ခုနှစ် သြဂုတ်(၂၀)ရက်က သြစတြေးလျနိုင်ငံ၌ကျင်းပသည့် အမျိုးသမီးကမ္ဘာ့ဖလားပြိုင်ပွဲ ဗိုလ်လုပွဲတွင် စပိန်အသင်း ပထမဆုံးအကြိမ် အနိုင်ရဗိုလ်စွဲပြီးနောက် ဆုပေးအပ်ချီးမြှင့်စဉ် ဟာမိုဆို၏နှုတ်ခမ်းကို နမ်းခဲ့ခြင်းဖြစ်သည်။ ယင်းအပြုအမူကို ဟာမိုဆိုအပါအဝင် စပိန်ဘောလုံးအသိုင်းအဝိုင်းနှင့် အမျိုးသမီးအားကစားလောကမှ ပြင်းထန်စွာကန့်ကွက်မှု ရင်ဆိုင်ခဲ့ရပြီးနောက် ရူဘီယာလက်စ်အနေဖြင့် RFEF ဥက္ကဋ္ဌရာထူးနှင့် ဥရောပဘောလုံးအဖွဲ့ချုပ် (UEFA) ဒုဥက္ကဋ္ဌရာထူးမှ စက်တင်ဘာ (၁၀) ရက်တွင် နုတ်ထွက်ခဲ့ရ သည်။ Reuters သတင်းဌာနက မြင်တွေ့ခဲ့ရသည့် တရားရုံးစာရွက်စာတမ်းအရ အစိုးရရှေ့နေဖြစ်သူ မာတာဒူရန်တက်ဇ်က ရူဘီယာလက်စ်အား လိင်ပိုင်းဆိုင်ရာစော်ကားမှုအတွက် ထောင်ဒဏ်တစ်နှစ်၊ အကျပ်ကိုင်မှုအတွက် ထောင် ဒဏ်တစ်နှစ်ခွဲ၊ စုစုပေါင်း ထောင်ဒဏ် (၂)နှစ်ခွဲချမှတ်ရန် တောင်းဆိုထားခြင်းဖြစ်ကြောင်း သိရသည်။ ထို့ပြင် ရူဘီယာလက်စ်အား ဟာမိုဆို၏အနီး မီတာ (၂၀၀) အကွာအဝေးသို့ သွားရောက်ခွင့်မပြုရန်နှင့် (၇)နှစ်ခွဲကြာ ဆက်သွယ်ခွင့်တား မြစ်ရန်၊ နစ်နာကြေး ယူရို (၅၀၀၀၀) ပေးအပ်ရန် စသည့် အချက်များကိုလည်း တောင်းဆိုထားသည်။ ဒူရန်တက်ဇ်သည် စပိန်အမျိုးသမီးအသင်းနည်းပြဟောင်း ဟော်ဟဲဗီလ်ဒါ (လက်ရှိ မော်ရိုကိုအမျိုးသမီးအသင်း နည်းပြ)၊ အားကစားဒါရိုက်တာ အဲလ်ဘတ်လူကယ်နှင့် မာကက်တင်းအဖွဲ့ခေါင်းဆောင် ရူဗန်ရီဗယ်ရာတို့ (၃)ဦးကိုလည်း အကျပ်ကိုင်မှုဖြင့် တရားစွဲဆိုထားကြောင်း သိရသည်။ ၎င်းတို့(၃)ဦးအနေဖြင့် ရူဘီယာလက်စ်၏အပြုအမူမှာ…

နာမည်ကျော် ဗြိတိန်မီဒီယာ Telegraph သည် ပရီးမီးယားလိဂ်၏ အသင်းအလိုက် တန်ဖိုးအရှိဆုံး ကစားသမားစာရင်းကို ထုတ်ပြန်ခဲ့ရာ အံ့အားသင့်ဖွယ်အချို့ ပါဝင်ခဲ့ကြောင်း သိရသည်။ Telegraph သည် ယခုစာရင်းကို ပြီးခဲ့ သည့်ရာသီအစမှ လက်ရှိအချိန်အထိ ပရီးမီးယားလိဂ်ပြိုင်ပွဲမှတ်တမ်းအပေါ်မူတည်၍ ထုတ်ပြန်ခဲ့ခြင်းဖြစ်ပြီး ပါဝင်ကစားသည့်ပွဲများ၌ အမှတ်အများဆုံးရရှိသော ကစားသမားများကို တန်ဖိုးအရှိဆုံးကစားသမားအဖြစ် သတ်မှတ်ခြင်းဖြစ်သည်။ ထို့ပြင် ယခုရာသီ၌ တန်းတက်လာသည့် အသင်း(၃)သင်းမှလွဲ၍ ကျန်အသင်းများတွင် အနည်းဆုံး (၃၅)ပွဲ ကစားခဲ့သည့် ကစားသမားများကိုသာ တွက်ချက်ခြင်းဖြစ်ကြောင်းလည်း သိရသည်။ မန်စီးတီးအသင်းအတွက် (၄၂)ပွဲကစားခဲ့ရာ၌ တစ်ပွဲပျမ်းမျှ(၂.၅၅) မှတ်ရရှိခဲ့သည့် ဂရီးလစ်ရှ်သည် မန်စီးတီးအသင်း၏ တန်ဖိုးအရှိဆုံးကစားသမားအဖြစ် ရပ်တည်နိုင်ခဲ့ပြီး မန်ယူအသင်းအတွက် (၄၃)ပွဲ ကစားခဲ့ရာ၌ တစ်ပွဲပျမ်းမျှ (၂)မှတ်ရရှိခဲ့သည့် ကက်စီမီရိုသည် မန်ယူအသင်း၏ တန်ဖိုးအရှိဆုံးကစားသမားအဖြစ် ရပ်တည်နိုင်ခဲ့သည်။ အာဆင်နယ် အသင်းအတွက် တန်ဖိုးအရှိဆုံးအဖြစ် ဆာလီဘာက (၂.၃၆)မှတ်၊ လီဗာပူးလ်အတွက် ဂျိုတာက (၂.၁၅)မှတ်၊ စပါးအတွက် ရိုမဲရိုးက (၁.၈၄)မှတ်၊ ချယ်လ်ဆီးအတွက် ဂယ်လေဟာက (၁.၃၄)မှတ်ဖြင့် တန်ဖိုးအရှိဆုံးကစားသမားများ ဖြစ်ခဲ့သည်။