မေဂျာလိဂ်ကလပ် အင်တာမိုင်ယာမီအသင်း၏ ရာသီကြိုခြေစမ်းခရီးစဉ်မှာ မိုင်ပေါင်း(၂၄၀၀၀)ကျော်ရှိကြောင်း သိရသည်။
မက်ဆီအပါအဝင် ဘာစီလိုနာကစားသမားဟောင်းများစွာ ပါဝင်ကစားနေသည့် အင်တာမိုင်ယာမီအသင်းသည် ဇန်နဝါရီ(၁၉)ရက်(ယနေ့)တွင် အယ်လ်ဆာဗေးဒိုးအသင်းနှင့် ခြေစမ်းပွဲ စတင်ယှဉ်ပြိုင်ကစားမည်ဖြစ်သည်။
ယင်းနောက် အင်တာမိုင်ယာမီအသင်းသည် ဆော်ဒီ၊ ဟောင် ကောင်၊ ဂျပန်နိုင်ငံများတွင်လည်း ခြေစမ်းပွဲများ၊ ဖိတ်ခေါ်ဖလားပွဲများ ယှဉ်ပြိုင်ကစားသွားမည်ဖြစ်သည်။
ထို့ကြောင့် စုစုပေါင်း ယှဉ်ပြိုင်ကစားရမည့် ပွဲစဉ်(၇)ပွဲအတွက် အင်တာမိုင်ယာမီအသင်း ခရီးနှင်ရမည့် အကွာအဝေးမှာ မိုင်ပေါင်း (၂၄၀၀၀)ကျော်ရှိနေကြောင်း B/R Football က ဖော်ပြခဲ့သည်။
- Google Ads -
