ပို့ကုန်လုပ်ငန်းရှင်များအနေဖြင့် ပို့ကုန် ရငွေ၏ ၃၅ ရာခိုင်နှုန်းကိုသာ မြန်မာနိုင်ငံ တော်ဗဟိုဘဏ် ရည်ညွှန်းစျေးဖြင့် လဲလှယ်ရ မည်ဖြစ်ပြီး ကျန် ၆၅ ရာခိုင်နှုန်းကို နေ့စဉ် Online ငွေလဲလှယ်နှုန်းဖြင့် လဲလှယ်အသုံးပြု ခွင့်ပေးထားသည့် သတ်မှတ်ချက်အတိုင်း လက်ရှိတွင် ပြောင်းလဲခြင်းမရှိ ခွင့်ပြုပေးနေ ကြောင်း စီးပွားရေးနှင့် ကူးသန်းရောင်းဝယ် ရေးဝန်ကြီးဌာနက ထုတ်ပြန်ခဲ့သည်။
သတင်းမီဒီယာတစ်ခုတွင် ‘ဗဟိုဘဏ် က ပို့ကုန်ရငွေနဲ့ ပတ်သက်ပြီး ပြန်လည်တင်း ကြပ်မှုအဖြစ် ပို့ကုန်ရငွေရဲ့ ၆၅ ရာခိုင်နှုန်းကို ဗဟိုဘဏ်သတ်မှတ်စျေးနဲ့ ရောင်းချရမှာဖြစ် ပြီး ကျန် ၃၅ ရာခိုင်နှုန်းကိုသာ ပေါက်စျေးအ တိုင်း ရောင်းချခွင့်ရှိတော့မှာ’ ဆိုသည့်သတင်း ကြောင့် ပြည်တွင်းပဲစျေးနှုန်းများ ကျဆင်းသွား သည်ဆိုသည့်သတင်းအမှားတစ်ခုကို လွှင့် တင်ထားခြင်းကို တွေ့ရသည်။
နိုင်ငံတော်အနေဖြင့် ပို့ကုန်လုပ်ငန်းရှင် များ လုပ်သာကိုင်သာရှိစေရေးတွက် အလေး ထားဆောင်ရွက်လျက်ရှိရာ ပြည်ပသို့ တင်ပို့ ခြင်းမှရရှိသည့် ပို့ကုန်ရငွေအသုံးပြုခွင့်နှင့် ပတ်သက်ပြီး မြန်မာနိုင်ငံတော်ဗဟိုဘဏ်က ၆-၁၂-၂၀၂၃ ရက်တွင် အမိန့်ကြော်ငြာစာအ မှတ် ၂၆/၂၀၂၃ နှင့် ထုတ်ပြန်ထားသည်။ အ ဆိုပါ အမိန့်ကြော်ငြာစာတွင် ]ပို့ကုန်ရငွေရဲ့ ၅၀ ရာခိုင်နှုန်းအစား ၃၅ ရာခိုင်နှုန်းကိုသာ မြန်မာနိုင်ငံတော်ဗဟိုဘဏ်ရဲ့ အမိန့်ကြော်ငြာ စာအမှတ် (၁၂/၂၀၂၂) ပါ သတ်မှတ်ညွှန် ကြားချက်အတိုင်း မြန်မာကျပ်ငွေဖြင့် လဲလှယ် ဆောင်ရွက်ရန်ဖြစ်ကြောင်း} ထုတ်ပြန်ထား ခြင်းဖြစ်သည်။
အဆိုပါ အမိန့်ကြော်ငြာစာအရ ပို့ကုန် လုပ်ငန်းရှင်များအနေဖြင့် ပို့ကုန်ရငွေ၏ ၃၅ ရာခိုင်နှုန်းကိုသာ မြန်မာနိုင်ငံတော်ဗဟိုဘဏ် ရည်ညွှန်းစျေးဖြင့် လဲလှယ်ရမည်ဖြစ်ပြီး ကျန် ၆၅ ရာခိုင်နှုန်းကို နေ့စဉ် Online ငွေလဲလှယ် နှုန်းဖြင့် လဲလှယ်အသုံးပြုခွင့် ပေးထားခြင်းဖြစ် သည်။ အဆိုပါသတ်မှတ်ချက်အတိုင်း လက်ရှိ တွင် ပြောင်းလဲခြင်းမရှိ ခွင့်ပြုဆောင်ရွက်ပေး နေခြင်းဖြစ်သည်။
အဆိုပါ သတင်းဒီမီယာတွင် ဖော်ပြချက် သည် လက်ရှိကျင့်သုံးနေသည့် မူဝါဒကို ပြောင်း ပြန်လှန်ပြီး မဟုတ်မမှန်ပြောကြားနေခြင်းသာဖြစ်ကြောင်း ထုတ်ပြန်ထားသည်။
ထို့ကြောင့် ပဲမျိုးစုံ၊ နှမ်းအစရှိသည့် လယ် ယာထွက်ကုန် စိုက်ပျိုးထုတ်လုပ်သူ၊ ကုန်သည် နှင့် ပြည်ပတင်ပို့သည့်လုပ်ငန်းရှင်များအပါ အဝင် ပို့ကုန်လုပ်ငန်းစဉ်တွင် ပါဝင်သူများအ နေဖြင့် မြန်မာနိုင်ငံတော်ဗဟိုဘဏ် ၆-၁၂-၂၀၂၃ ရက်တွင် ထုတ်ပြန်ထားသည့် အမိန့် ကြော်ငြာစာ ၂၆/၂၀၂၃ အတိုင်းသာ ဆောင် ရွက်နေပါကြောင်း သတင်းအမှန်ကိုသိရှိပြီး ပို့ကုန်လုပ်ငန်းများကို အရှိန်အဟုန်မပျက် ဆောင်ရွက်နိုင်ရေး စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနက အသိပေးထုတ် ပြန်ထားသည်။
