မန်ယူနည်းပြ တန်ဟက်ဂ်က စပါးအသင်းနှင့်ကစားမည့် ပရီးမီးယားလိဂ်ပွဲစဉ်တွင် အဲရစ်ဆင်၊ လုခ်ရှောနှင့် မက်ဂွိုင်းရားတို့ ပါဝင်ကစားနိုင်ကြောင်း ပြောကြားခဲ့သည်။
အဆိုပါကစားသမား (၃)ဦးစလုံးသည် ဒဏ်ရာပြဿနာများကြောင့် အနားယူနေရပြီး ယခုအခါ ကြံ့ခိုင်မှုပြန်လည်ပြည့်ဝလာပြီဖြစ်ကြောင်း သိရှိရသည်။
တန်ဟက်ဂ်က ”ဒီတစ်ပတ်မှာ ကစားနိုင်မယ့် ကစားသမားတွေ ရှိပါတယ်။ အဲရစ်ဆင်၊ လုခ်ရှောနဲ့ မက်ဂွိုင်းရားတို့ဟာ ဒီတစ်ပတ်ကစားမယ့် စပါးနဲ့ပွဲမှာ ပါဝင်နိုင်ပါတယ်။ မေဆန်မောင့်ကတော့ တစ်ပတ်လောက် နားရဦးမှာပါ”ဟု ပြောကြားခဲ့သည်။
မန်ယူအသင်းသည် ပရီးမီးယားလိဂ်ပွဲစဉ်(၂၁)အဖြစ် ဇန်နဝါရီ (၁၄)ရက်တွင် စပါးအသင်းနှင့် အိမ်ကွင်း၌ ကစားရမည်ဖြစ်သည်။
- Google Ads -
