အရှေ့တောင်အာရှရှိ ဆင်းရဲမွဲတေသော မဟာမိတ် ကမ္ဘောဒီးယားတွင် အခြေခံ အဆောက်အအုံ၊ လယ်ယာစိုက်ပျိုးရေးနှင့် ကျန်းမာရေးစောင့်ရှောက်မှုတို့တွင် တရုတ်က ဒေါ်လာဘီလျံပေါင်းများစွာ ရင်းနှီးမြှုပ် နံှမည့် သဘောတူညီချက် ၂၀ နီးပါးကို တ ရုတ်နှင့်ကမ္ဘောဒီးယားတို့က ဇန်နဝါရီ ၁၁ ရက်တွင် လက်မှတ်ထိုးခဲ့ကြသည်။
တရုတ်ဝန်ကြီးချုပ်လီခယ်ကျင်း ဦးဆောင်သော ထိပ်တန်းကိုယ်စားလှယ်အဖွဲ့တစ်ဖွဲ့က အနီးကပ်မဟာမိတ် ကမ္ဘောဒီးယားသို့ သွားရောက်စဉ် လီနှင့် ကမ္ဘောဒီးယားဝန်ကြီးချုပ် ဟွန်ဆန်တို့အကြား ဆွေးနွေးပွဲ၌ ယင်းသဘောတူညီချက်နှင့် နားလည်မှုစာ လွှာများကို လက်မှတ်ထိုးခဲ့ကြခြင်းဖြစ်သည်။ ယင်းသဘောတူညီချက်များတွင် မြို့တော် ဖနွမ်းပင်အား အပန်းဖြေစခန်းမြို့ Sihanou kville သို့ ချိတ်ဆက်ထားသည့် ကီလိုမီတာ ၂၀၀ (၁၂၅ မိုင်) ကျော် ရှည်လျားသော အဝေးပြေး လမ်းမသစ်တစ်ခု၊ ဆေးရုံတစ်ရုံနှင့် ဖနွမ်းပင် အပြည်ပြည်ဆိုင်ရာလေဆိပ်သစ် တည်ဆောက်ရေးတို့ ပါဝင်ကြောင်း သိရသည်။
ထိုအဝေးပြေးလမ်းစီမံကိန်းအတွက် တရုတ်က ဒေါ်လာနှစ်ဘီလျံခန့် ရင်းနှီးမြှုပ်နှံမည်ဖြစ်ကြောင်း သဘောတူညီချက်များ လက်မှတ်ထိုးအပြီးတွင် ကမ္ဘောဒီးယား၏ အများပြည်သူဝန်ဆောင်မှုနှင့် သယ်ယူပို့ဆောင်ရေးဝန်ကြီး ဆန်ချန်သိုက အေပီသို့ ပြောကြားခဲ့သည်။ ယင်းလမ်းဖောက်လုပ်မှု စီမံကိန်းအား ယခုနှစ်တွင် စတင်ရန် စီစဉ် ထားပြီး အချိန် ၄၄ လထက်မနည်းအတွင်း ပြီးစီးနိုင်ကြောင်းလည်း ၎င်းက ပြောကြားခဲ့ သည်။ ကမ္ဘောဒီးယားဘုရင်နှင့် မိဖုရား၏မိခင်ဖြစ်သူအား တရုတ်၌ ကျန်းမာရေး စစ် ဆေးမှု ဆက်လက်လုပ်ဆောင်ရန်အပါအဝင် ယင်းခရီးစဉ်တွင် အရေးပါပြီး အောင်မြင်သော ရလဒ်များထွက်ပေါ်ခဲ့ကြောင်း လီ၏ခရီးစဉ် အပြီး ပူးတွဲကြေညာချက်၌ ထုတ်ပြန်ခဲ့သည်။
ကမ္ဘောဒီးယား၏အဓိကမဟာမိတ်နှင့် စီးပွားရေးမိတ်ဖက်ဖြစ်သော တရုတ်သည် ပြီးခဲ့သော ဆယ်စုနှစ်အတွင်း ဖနွမ်းပင်ကို ဒေါ်လာသန်းပေါင်းများစွာရှိသော အကူအ ညီများ ပေးအပ်မှုနှင့် ရင်းနှီးမြှုပ်နှံမှုများ ပြု လုပ်ခဲ့သည်။ ထို့ပြင် တရုတ်က ကမ္ဘောဒီးယား ၏ ရာပေါင်းများစွာသော ကုန်ပစ္စည်းများ အတွက် အကောက်ခွန်ကင်းလွတ်ခွင့်ပေးခဲ့ ပြီး အကြွေများကိုလည်း လျှော်ပစ်ပေးခဲ့သည်။ အပြန်အလှန်အားဖြင့် ကမ္ဘောဒီးယား က တောင်တရုတ်ပင်လယ်တွင် အရှေ့တောင် အာရှမှ အိမ်နီးချင်းနိုင်ငံအချို့နှင့် တရုတ်တို့ အကြား ရေပိုင်နက်အငြင်းပွားမှုအပါအဝင် နိုင်ငံတကာစင်မြင့်၌ တရုတ်ဘက်မှ ထောက်ခံမှုများ ပြုလုပ်ခဲ့သည်။
တရုတ်သည် ဆင်းရဲသောအိမ်နီးချင်း နိုင်ငံများအား သြဇာလွှမ်းမိုးနိုင်ရန်အတွက် ကြီးမားသော အခြေခံအဆောက်အအုံစီမံ ကိန်းများအတွက် ငွေသားများနှင့် အတိုးနှုန်း သက်သာသောချေးငွေများကို အမြဲတမ်းအ သုံးပြုလေ့ရှိကြောင်း လေ့လာသူများက သုံး သပ်ခဲ့ကြသည်။
